買樓投資這 Topic, 大眾有不同理解, 我有以下比喻:
買物業投資好似食一個套餐, 套餐裏面有「前菜, 主菜, 飲品, 有時有甜品」。 由於是套餐, 套餐內的食物早已內定選擇有限, 我畀得錢我就會食曬佢, 但我入餐廳前我會選擇我覺得我食落的東西。
主菜就等同物業本身, 前菜主是管理公司、管理費... 飲品好比隔離鄰舍或社區, 甜品就像認識到一些特別租客或住客可能會幫到你。
食得套餐某程度上好似冇得揀, 其實有啲嘢你可以控制, 例如餐廳用料你可以做評估, 某些餐廳品牌用料不會太差, 不會食壞人。 但如果套餐太便宜我驚用料有問題, 食完先知道要入醫院, 下次你就不會再去。
你問我是否要去酒店, 不一定, 去一些精品集團,同餐廳內的服務員有傾有講都幾開心。 但我不太喜愛太大眾化的餐廳, 可能冇乜特色, 為了迎合大眾化口味就大眾化定價, 結果吸引了價錢主導的食客,餐廳變得大眾化,方間稱之為「抵食」。如果畀多少少去一些餐廳, 論服務員質素或食物質素都會好少少。
買樓投資是否只講幾年內升幅, 當然即時見到 自己開心, 朋友又讚, 阿媽可能讚你叻仔, 但有時別人睇你好有苦自己知。 幾時都話投資是一個藝術, 最緊要知道自己投資什麼? 不要理別人怎樣看。
講得遠咗再講番個套餐, 由頭拌食起,前菜,主菜,餐飲及甜品。
前菜 - 管理公司
管理公司的管理質素, 在我理解下與業主質素成正比, 有比較才會進步, 有要求服務才會提高, 業主願意夾錢 物業才可以有錢維修。 會升值的物業, 物業管理不一定好, 唔升值的物業, 我未與見管理公司管理得好, 唔肯夾錢的業主, 我未見過管理公司管得好。
主菜 - 物業本身
一講到物業本身, 通街都是「專家」我唔多講太多。
餐飲 - 隔離鄰舍或社區
近年自由行充斥各區, 影響民生消費, 即是在社區周圍活動的人士會影響我們, 同一道理你的鄰居會在你社區周圍活動, 鄰居質素或同社區其他屋苑的住戶, 就反映社區質素, 就是我經常不想用這個角度去解釋 location的重要性, 我怕引起階級鬥爭, 平機會找我。
如你有小朋友就應該揀一個比較健康的 location,所謂 "近朱者赤近墨者黑",成人懂分辨是非但小朋友學習模式是「模仿」,沾了壞行為,家長可能要用十倍氣力才能矯正,你哋明啦我唔講太多🙊。作為家長的我有責任給小朋友一個健康快樂的環境,一個良好社區也是我選樓的考慮。
雖然同一個套餐包一杯飲品, 反正我都會叫 "奶茶"☕ 點解我唔揀一間好少少餐廳幫襯。你可以話叫咗奶茶可以唔飲,唔好味可以唔飲,唔啱飲又可以唔飲,但實際情況唔通唔出街咩?
甜品 - 租客或樓上樓下住客
通常套餐跟的甜品都是一般, 不會有大驚喜, 間貴少少餐廳可能甜品製作得D誠意。 理論上樓價愈高租金也會高,(上升幅度就根據ABCDE各組不同), 一般理解貴租金應該是付得起的租客, 租客的工種也不會太大眾, 如有緣結識到可能多個朋友。 隨緣! 但平租金的租客俾你結識到將來都未必幫到你。 有機會大家 "嗒" 真下🤔。
以上就是我的「套餐論」
#套餐論 #買樓投資 #樓宇投資
訂閱:
發佈留言 (Atom)
【事後孔明 - 指標】
添丁又發財 近來知道多位朋友添丁, 也有同學發財。 高興有多位同學上車, 最難得是在樓市低位反彈前入市, 睇住大家努力儲錢組織小家庭, 不被市場所玷污。 之前兩次飯局分別在灣仔及太古坊, 希望在 我們四十多人出席者得到啟發。 事後孔明 ...
-
太古 地產在 2018年2 月頭 強拍皇后大道東寶華大廈、晏頓街2至12號、蘭杜街5至11號等物業,規劃研究提升項目價值的發展方向。 合和鞏固灣仔商業王國版圖,在 2018年1 月尾透過強拍以8,120萬元統一皇后大道東153號業權, 屬於6層高商住大樓,樓齡約4...
-
「海之戀」荃灣西(五區)灣畔發展項目期數為發展項目第3期,即發展項目 住宅部分第一期 ; 而發展項目第3A期,即發展項目 住宅部分第二期 。 第 6、7、8、9 及 10 座的圖則已公開 , 可惜其他第 1、2、3 及 5 座還未公開 ...
-
這篇文章講今期日出康城第四期晉海,理念同我諗的一樣,賣得咁貴根本不可以同將軍奧線將軍澳站媲美,發展商曾經講過賣點有三: 品牌效應 ; 地鐵上蓋物業; 有靚海景 我的睇法: 我冇嘢好講,大部份香港市民認同 真實...
沒有留言:
發佈留言